நிந்தவூர் பிரதேச சபை இன்று காலை 10.15 மணியளவில் தவிசாளர் எம்.ஏ.எம்.தாஹிர் தலைமையில் கூடியது. இன்றைய அமர்வின் போது தவிசாளர் 2014ஆம் ஆண்டிற்கான வரவு-செலவு திட்டத்தினை சபையில் சமர்ப்பித்தார். இதன் போது வரவு-செலவு திட்டம் பற்றி உறுப்பினர்கள் கருத்துத் தெரிவித்தார்கள்.  உறுப்பினர் எம்.ரி.ஜப்பார் அலி கருத்துத் தெரிவிக்கையில் 2014ஆம் ஆண்டிற்கான வரவு-செலவு திட்டத்திற்கு நான் ஆதரவுமில்லை. எதிர்ப்புமில்லை. எனத் தெரிவித்தார். தான் நடுநிலைமை வகிப்பதாக தெரிவித்தார். இதனை அடுத்து வரவு-செலவு திட்டம் ஏனைய உறுப்பினர்களின் அங்கிகாரத்துடன் நிறைவேற்றப்பட்டது.  இன்றைய சபை அமர்வுக்கு உதவித் தவிசாளர் எம்.எம்.அன்ஸார் சமூகமளிக்கவில்லை.

கல்முனை மாநகர சபை முதல்வர் எம்.நிசாம் காரியப்பர்   தலைமையில் பாராளுமன்ற உறுப்பினர் எச்.எம்.எம். ஹரீஸ் ,  கிழக்கு மாகாண சபை உறுப்பினர் ஏ.எம்.ஜெமீல் ,  கல்முனை மாநகர சபை உறுப்பினர்களான ஏ.எம்.பரக்கத்துல்லாஹ் ,  ஏ.ஏ.பஷீர் ,  ஏ.எல்.எம். முஸ்தபா , எம்.எல்.சாலிதீன் ,  ஏ.எம்.ரியாஸ் ,  ஏ. அமிர்தலிங்கம் மற்றும் ஆணையாளர் ஜே ,  லியாக்கத் அலி ஆகியோர் கள்  இந்திய உதவி  தூதுவர்  திரு. குமரன் அவர்களை இந்திய தூதுவர் காரியாலயத்தில் நாளை  29.11.2013 வெள்ளிக்கிழமை மாலை  4.30  மணிக்கு  மாநகர சபை அபிவிருத்தி விடயமாகவும் கல்முனை மாநகர சபையையும் சென்னை மாநகராட்சி சபையையும் இணைத்து நிருவாக கட்டமைப்பு விடயமாக பேச்சுவார்த்தை நடாத்தவுள்ளதாக கல்முனை மாநகர சபை உறுப்பினரும் ஸ்ரீ லங்கா முஸ்லிம் காங்கிரசின் அம்பாறை மாவட்ட மக்கள் பிரதிநிதிகளின் செயலாலருமான ஏ.எம். பரக்கத்துல்லாஹ் தெரிவித்தார்.  

2014ஆம் ஆண்டு ஓய்வூதியம் வழங்கப்படும் திகதிகள் அறிவிக்கப்பட்டுள்ளன. இந்த அறிவிப்பு ஓய்வூதிய திணைக்களத்தினால் மேற்கொள்ளப்பட்டுள்ளது. இதன்படி, ஜனவரி – 10, பெப்ரவரி – 10, மார்ச் - 10, ஏப்ரல் - 08, மே – 09, ஜுன் - 10, ஜுலை – 10, ஓகஸ்ட் - 08, செப்டெம்பர் -10, ஒக்டோபர் - 07, நவம்பர் 10, மற்றும் டிசெம்பர் - 10 ஆகிய தினங்களில் ஓய்வூதியம் வழங்கப்படவுள்ளது. 

- எம்.ஏ.சீ.எம்.ஜெலீஸ் - காத்தான்குடி மீடியா போரத்தின் தலைவரும் சிரேஷ்ட ஊடகவியலாளருமான எம்.எஸ்.எம். நூர்தீன் அவர்கள் மட்டக்களப்பில் இருந்து காத்தான்குடி நோக்கி மோட்டார் சைக்கிளில் செல்லும்போது பிரதான வீதி நாவட்குடாவில் வைத்து மாடுகள் வீதியைக் குறுக்கறுத்ததன் காரணமாக விபத்துக்குள்ளானார். காத்தான்குடி வைத்தியசாலையில் அவசர சிகிட்சை பெற்ற அவர் மேலதிக சிகிட்சைக்காக தற்போது மட்டக்களப்பு வைத்தியசாலையில் அனுமதிக்கப்பட்டுள்ளார். அவரது தோள்பட்டையில் இரண்டு இடங்களில் எலும்பில் வெடிப்பு ஏற்பட்டுள்ளதாக வைத்தியர்கள் தெரிவிக்கும் அதேவேளை முகம் உள்ளிட்ட உடம்பின் சில பகுதிகளில் காயங்கள் ஏற்பட்டுள்ளதுடன் முன்பகுதி பற்களும் உடைந்து சேதமடைந்துள்ளது. சகோதரர் நூர்தீன் விபத்துக்குள்ளான செய்து கேட்டு ஊடகவியலாளர்கள், அரசியல் பிரமுகர்கள், மட்டக்களப்பு வைத்தியசாலைக்கு வருகைதந்திருந்ததை காணமுடிந்தது அவர் பூரணமாக சுகமடைந்து வீடு திரும்ப எல்லாம் வல்ல அல்லாஹ்விடம் எமது இணையச் சமூகம் பிரார்த்திக்கின்றது.

நற்பிட்டிமுனை லாபீர்  வித்தியாலயத்தின் அதிபராகவிருந்து  கல்முனை முஸ்லிம் பிரிவு கோட்டக்கல்விப்  பணிப்பாளராக பதவி உயர்வு பெற்ற கோட்டக் கல்விப் பணிப்பாளர் எஸ்.எம்.ஏ.ஜஹுபருக்கு லாபீர்  வித்தியாலயத்தின் அதிபர் திருமதி ஜெஸ்மினா ஹாரீஸ் தலைமையில்  புதன் கிழமை (27) பாடசாலையில்  கௌரவிப்பு விழா நடை பெற்றது .அதிபர்  உட்பட ஆசிரியர்கள்  கோட்டக் கல்விப் பணிப்பாளருக்கு  மாலை அணிவித்து ,பொன்னாடை போர்த்தி ,வாழ்த்து மடல் ,நினைவு சின்னம்  வழங்கி     கௌரவித்தனர் .     

  கல்முனை வலயத்தில் மிக  நீண்ட நாளாக ஆசிரியர் மத்திய நிலையமொன்றுக்கான நிரந்தரக் கட்டிடம் இல்லாதிருந்துள்ளது. அந்தக் குறைபாடு இன்றுடன் முடிவுக்கு வரும் வகையில் இன்று சாய்ந்தமருது அல் கமறுன் வித்தியாலய வளாகத்தில் நிர்மாணிக்கப்பட்ட ஆசிரியர் மத்திய நிலைய இன்று திறந்து வைக்கப்பட்டது.  திகாமடுல்ல மாவட்ட பாராளுமன்ற உறுப்பினரும் கல்முனைத் தொகுதி அபிவிருத்திக் குழுத் தலைவருமான  எச்.எம்.எம்.ஹரீஸ் பிரதம அதிதியாகவும், கிழக்கு மாகாணசபை உறுப்பினர் பேராசிரியர் எம்.இராஜேஸ்வரன் கௌரவ அதிதியாகவும் கல்முனை வலய கல்விப் பணிப்பாளர் யு.எல்.எம்.ஹாஸிம்  விசேட அதிதியாகவும்  இந் நிகழ்வில் கலந்து கொண்டனர். கல்முனை வலய பணிமனையின் பிரதி கல்விப்பணிப்பாளர்கள், கணக்காளர், உதவி கல்விப் பணிப்பாளர்கள், ஆசிரிய ஆலோசகர்கள், பாடசாலைகளின் அதிபர்கள் மற்றும் ஆசிரியர் மத்திய நிலைய உத்தியோஸ்தர்கள் மற்றும் பலர் இத்திறப்பு விழாவில் கலந்து கொண்டனர்.

தனது சின்னஞ்சிறு பெறா மகன் மீது உருண்டு விழுந்து அவன் மூச்சுத்திணறி உயிரிழக்கக் காரணமாயிருந்த உலகின் அதிநிறை கூடிய பெண் தனது  1000  இறாத்தல் நிறையை  5  வருடங்களில்  600  இறாத்தலால் குறைத்துள்ளார். அமெரி்க்க டெக்ஸாஸ் மாநிலத்தைச் சேர்ந்த மேரா ரொஸலெஸ் ( 32 வயது) என்ற மேற்படி பெண் தனது  2  வயது பெறா மகனை எலிஸியோ மீது உருண்டு விழுந்து அவனைக் கொன்றதாக குற்றச்சாட்டுக்கு ஆளாகியிருந்தார். 1000  இறாத்தல் நிறையைக் கொண்ட மேரா தவறுதலாக பாலகன் மீது உருண்டு விழுந்துள்ளார். இந்நிலையில் பாலகன் மூச்சுத் திணறி உயிரிழந்தான். ஆரம்பத்தில் மேரா திட்டமிட்டு படுகொலை செய்ததாக கருதப்பட்டது. எனினும் , 2008 ஆம் ஆண்டு மேரா படுகொலை செய்யவில்லை ,  சிறுவனின் மரணத்துக்கு அவரது அளவு கடந்த நிறையே காரணம் எனவும் , அதனால் மேரா குற்றவாளியல்ல எனவும் தீர்ப்பளிக்கப்பட்டது. இந்நிலையில் ,  தனது பெறா மகனின் மரணத்துக்கு காரணமான தனது நிறையை குறைக்க தீவிரமாகப் போராடிய மேரா ,  தனது நிறையை  600  இறாத்தலால் குறைத்துள்ளார். தற்போது அவரது நிறை  400 இறாத்தலாகும்.   அளவோடு இருந்தால் நலமோடு வாழலாம் அல்லவா ?  உடல் பருமமும் தான்

ஸ்ரீ லங்கா முஸ்லிம் காங்கிரஸின் பிரதி செயலாளர் நாயகமும், கல்முனை மாநகர முதல்வரும்மான சட்டமுதுமாணி எம். நிசாம் காரியப்பர் அவர்களுக்கு முதல்வர் ஆடை அணிவிக்கும் விழாவும் பொது கூட்டமும் ஞாயிகிழமை பி.ப. 4.30 மணிக்கு கல்முனை நகர மண்டபத்திற்கு அருகில் இடம்பெறவுள்ளது. இந்நிகழ்விற்கு பிரதம அதிதியாக ஸ்ரீ லங்கா முஸ்லிம் காங்கிரஸின் தேசிய தலைவரும் நீதியமைச்சருமான சட்டமுதுமாணி  மாண்புமிகு ரஊப் ஹக்கீம் ,கெளரவ அதிதிகளாக பாராளுமன்ற உறுப்பினர்களும், சிறப்பு அதிதிகளாக மாகாண சபை அமைச்சர்களும், மாகாண சபை உறுப்பினர்களும், பிரதேச சபை தவிசாளர்களும், விசேட அதிதிகளாக கல்முனை மாநகர சபை உறுப்பினர்கள், பிரதேச சபை உறுப்பினர்கள் மற்றும் பிரமுகர்களும் கலந்து சிறப்பிக்கவுள்ளனர்.

நிந்தவூரில் கடந்த 19ஆம் திகதி கைது செய்யப்பட்டவர்களில் பிணையில் விடுதலை செய்யப்படாமல் இருந்த 14 பேரும்  சம்மாந்துறை நீதிவான் நீதிமன்றத்தின் நீதிபதி ரீ.கருணாகரனினால் விடுவிக்கப்பட்டார்கள். கடந்த 17ஆம் திகதி இரவு முதல் நிந்தவூரில் ஏற்பட்ட அசாதாரண சூழ்நிலையால் நிந்தவூர் பிரதேசத்தில் இயல்பு வாழ்க்கை மூன்று நாட்களாக பாதிக்கப்பட்டது. இதனையடுத்து 19.11.2013 அன்று பொலிஸார் மேற்கொண்ட நடவடிக்கை காரணமாக பொதுச் சொத்துக்களை சேதப்படுத்தினார்கள் என்ற குற்றச்சாட்டின் பேரில் 21 பேர் கைது செய்யப்பட்டார்கள். இவர்களை சம்மாந்துறைப் பொலிஸார் 20.11.2013 அன்று சம்மாந்துறை நீதிவான் நீதிமன்றத்தில் ஆஜர்படுத்திய போது, 18வயதிற்கு குறைந்த 06பேரையும், மனநிலை பாதிக்கப்பட்ட ஒருவரையும் நீதிபதி தலா 50ஆயிரம் சரிரப் பிணையில் விடுவித்தார். ஏனைய 14 பேரையும் 22.11.2013 ( வெள்ளிக்கிழமை) கோர்ட்டில் ஆஜர்படுத்துமாறு நீதிபதி ரீ.கருணாகரன் உத்தரவிட்டார். இன்று கோர்ட்டில் பொலிஸாரினால் ஆஜர்படுத்திய 14 பேரையும், தலா ரூபா 50ஆயிரம் சரீரப் பிணையில் செல்லுவதற்கு நீதிபதி ரீ.கருணாகரன் உத்தரவிட்டார். மேற்படி 14 பேரும், இனிமேல் இது போன்ற

  சம்மாந்துறை வலயக் கல்விப் பணிப்பாளராக மருதமுனையைச் சேர்ந்த எம்.எஸ்.ஏ.ஜலீல் இன்று வெள்ளிக் கிழமை (22) மாலை 4.05 மணிக்கு தமது கடமைகளை உத்தியோக பூர்வமாக பொறுப்பேற்றுக் கொண்டார். வலயக் கல்விப் பணிப்பாளராக கடமையாற்றிய எம்.கே.எம்.மன்சூர் கிழக்கு மாகாண கல்வி அமைச்சுக்கு இடமாற்றம் செய்யப்பட்டதை அடுத்தே புதிய வலயக் கல்விப் பணிப்பாளராக எம்.எஸ்.ஏ.ஜலீல் நியமிக்கப்பட்டுள்ளமை குறிப்பிடத்தக்கதாகும். கடமையினைப் பொறுப்பேற்றுக் கொண்ட வலயக் கல்விப் பணிப்பாளர் ஜலீல் உரையாற்றுகையில், நான் எந்தவொரு எதிர்பார்புக்களும் அற்றவனாக இந்தப் பிரதேச மாணவர்களின் கல்விக்கு பணியாற்றும் நோக்குடன் இற்றைக்கு ஒரு வருடங்களுக்கு முன்னர் சம்மாந்துறை வலயக் கல்விப் பணிமனைக்கு ஒரு பிரதிக் கல்விப் பணிப்பாளராக நியமனம் பெற்று கடமையாற்றிக் கொண்டிருக்கும் இந்த சந்தர்ப்பத்தில் என்மீது ஒரு பாரிய பணி ஒப்படைக்கப்பட்டிருக்கின்றது. இந்தப் பணியினை நான் ஒரு அமானிதமாக பொறுப்பேற்றுக் கொள்வதுடன் இந்தப் பிரதேச மாணவர்களின் கல்வி மேம்பாட்டுக்கும் உயர்ச்சிக்கும் என்னால் இயன்ற வரையில் பணியாற்றவுள்ளேன். நான் இந்தப் பிரதேசத்தையும்

2014 ஆண்டிற்கான வரவு செலவுத் திட்டம் நாளை  வியாழக்கிழமை ஜனாதிபதி மஹிந்த ராஜபக்ஷவினால் பாராளுமன்றத்தில் சமர்ப்பிக்கப்படவுள்ளது. என தெரிவிக்கப்படுகிறது. அடுத்த நிதியாண்டிற்கான செலவினங்களுக்கு 154,252 கோடி 25 இலட்சத்து 18 ஆயிரம் ரூபாவை ஒதுக்க திட்டமிடப்பட்டுள்ளது. இது தொடர்பான நிதி ஒதுக்கீட்டுச் சட்ட மூலம் கடந்த ஒக்டோபர் 22 ஆம் திகதி பாராளுமன்றத்தில் சமர்ப்பிக்கப்பட்டது. நவம்பர் 22 ஆம் திகதி முதல் 29 ஆம் திகதி வரை இரண்டாம் வாசிப்பு மீதான விவாதம் நடைபெறும்.இரண்டாம் வாசிப்பு மீதான வாக்கெடுப்பு அன்று மாலை இடம்பெறவுள்ளது. குழு நிலை விவாதங்கள் டிசம்பர் 2 முதல் 20 ஆம் திகதி வரை நடைபெற உள்ளதோடு அன்று மாலை வரவு செலவுத் திட்டம் மீதான இறுதி வாக்கெடுப்பு நடத்தப்படவுள்ளது. வரவு செலவுத் திட்டம் ஜனாதிபதியினால் பாராளுமன்றத்தில் சமர்ப்பிக்கப்படுவதால் பாராளுமன்றத்திலும் அதனை அண்டிய பகுதிகளிலும் விசேட பாதுகாப்பு மற்றும் போக்குவரத்து ஒழுங்குகள் செய்யப்பட்டுள்ளன.

நிந்தவூரில் ஹர்த்தால் நடவடிக்கைகளில் ஈடுபட்ட 21 பேரைக் கைது செய்துள்ளதாக பொலிஸ் ஊடகப் பேச்சாளர் அஜித் ரோஹண தெரிவித்துள்ளார். அரச சொத்துகளுக்கு சேதமேற்படுத்தியமை, பொதுமக்களுக்கு இடையூறு விளைத்தமை போன்ற குற்றச்சாட்டுகளின் பேரிலேயே இவர்கள் கைது செய்யப்பட்டுள்ளனர் என அவர் மேலும் குறிப்பிட்டுள்ளார். இதன்போது 22 சைக்கிள்கள், எட்டு மோட்டார் சைக்கிள்கள் உட்பட பல வாகனங்களும் கைப்பற்றப்பட்டன என்றும் பொலிஸ் ஊடகப் பேச்சாளர் தெரிவித்துள்ளார்.

24 மணி நேரத்துக்கும் மேலாக நிந்தவூர், அம்பாறை – கல்முனை வீதியில் போடப்பட்டுள்ள வீதித் தடையை அகற்றுவதற்கு கலகமடக்கும் பொலிஸார் சற்றுமுன்னர் முயற்சித்ததை அடுத்து பொலிஸாருக்கும் பொதுமக்களுக்கும் இடையில் முறுகல் நிலை ஏற்பட்டுள்ளது.  இதனையடுத்து, பொதுமக்கள் மீது பொலிஸார் கண்ணீர்ப் புகைக்குண்டுப் பிரயோகம் நடத்தி அவர்களை அங்கிருந்து அகற்ற முற்பட்டுள்ளனர். இதனால், பொலிஸார் மீது பொதுமக்கள் கற்களை வீசி தாக்குதல்களை நடத்தியுள்ளனர்.  இவ்வாறு தாக்குதலில் ஈடுபட்ட பொதுமக்களில் மூவரை பொலிஸார் கைது செய்துள்ளனர். சுமார் 500க்கும் மேற்பட்ட பொலிஸார் நிலைமையை கட்டுப்பாட்டுக்குள் கொண்டுவரும் முயற்சியில் ஈடுபட்டு வருகின்றமை குறிப்பிடத்தக்கது.  நிந்தவூர் பிரதேசத்தில் நேற்று முன்தினம் ஞாயிற்றுக்கிழமை பொதுமக்களுக்கும் விசேட அதிரடிப்படையினருக்கும் இடையில் ஏற்பட்ட முறுகல் நிலையை கண்டித்து நேற்றைய தினம் நிந்தவூர் பிரதேசம் முழுவதும் பூரண ஹர்த்தால் அனுஷ்டிக்கப்பட்டது.  இதேவேளை போக்குவரத்துப் பாதைகளில் டயர்கள் எரிக்கப்பட்டு, கற்கள் மரக்கட்டைகள் போடப்பட்டு தடைகள் ஏற்படுத்தப்பட்டுள்ளன. இதனால் போக்கு

கடந்த சில வாரங்களாக நிந்தவூரில் இடம் பெற்ற அசம்பாவிதங்களுடன் தொடர்புடையவர்கள் எனக் கருதப்படுகின்றவர்களை சுற்றி வளைத்துக் கொண்ட போது பாதுகாப்புத் தரப்பினர் மேற்கொண்ட துப்பாக்கி வேட்டுக்களினாலும், அதனையடுத்து ஏற்பட்ட கலவரத்தினாலும் காயமடைந்த நிந்தவூர் பிரதேச சபைத் தவிசாளர் எம்,ஏ.எம்.தாஹிர் மற்றும் முகம்மட் இல்யாஸ் ஆகியோர்கள் கல்முனை அஸ்ரப் ஞாபகார்த்த வைத்தியசாலையில் அனுமதிக்கப்பட்டிருப்பதனை படங்களில் காணலாம்.

ஜனாதிபதி மஹிந்த ராஜபக்ஷ, தனது 68ஆவது பிறந்த தினத்தை இன்று கொண்டாடுகிறார். ஆலரி மாளிகையில் தனது குடும்பத்தாருடன் அவர் கேக் வெட்டி பிறந்த தினத்தை கொண்டாடியுள்ளார். மனைவி ஷிரந்தி ராஜபக்ஷ, மகன்களாக நாமல், யோஷித மற்றும் ரோஹித ஆகியோருடன் தனது பிறந்த நாளை ஜனாதிபதி கொண்டாடுவதை படங்களில் காணலாம்.

நிந்தவூர் கடற்கரை பகுதியில் பொதுமக்களுக்கும் விசேட அதிரடிப்படையினருக்கும் இடையில் முறுகல் நிலையொன்று ஏற்பட்டதையடுத்து அங்கு பதற்றம் நிலவுகிறது.  அத்துடன், பிரதேசத்தில் ஹர்த்தால் அனுஷ்டிக்கப்படுவதாக எமது செய்தியாளர் தெரிவிக்கின்றார். இச்சம்பவம் தொடர்பில் மேலும் தெரியவருவதாவது, நிந்தவூர் பகுதியில் இரவு வேளைகளில் தொடர்ச்சியாக இடம்பெறுகின்ற கொள்ளை சம்பவங்களை கட்டுப்படுத்தல் மற்றும் கொள்ளையர்களை கண்டுபிடித்தல் தொடர்பில் விசேட விழிப்பு குழுவொன்று அமைக்கப்பட்டு ஆராயப்பட்டது. இதன் பிரகாரம் இரவு 9 மணிக்கு பின்னர் வீடுகளிலிருந்து வெளியே செல்கின்றவர்கள் தங்களுடைய ஆள் அடையாளத்தை உறுதிப்படுத்தும் ஆவணங்களை எடுத்துசெல்லவேண்டும் என்று அந்த குழு தீர்மானித்து. அந்த தீர்மானத்தை பள்ளிவாயில்களின் ஊடாக பொதுமக்களுக்கு அறிவித்தது. இந்நிலையில், விசேட அதிரடிப்படையினர் அணியும் ஆடைகளை ஒத்த ஆடைகளை அணிந்து நிந்தவூர் கடற்கரை பகுதிக்கு வந்த நான்கு அல்லது ஐந்து பேர் அடங்கிய குழுவினர் கடற்கரையில் வைத்து ஆடைகளை மாற்றிக்கொண்டு நேற்றிரவு ஊருக்குள் வருவதை கண்ட பொதுமக்கள் அவர்களை சுற்றிவளைத்து ஆள் அடையாளத்த

யு.எம்.இஸ்ஹாக் யுனிசெப் நிறுவனம் நடாத்தும் சர்வதேச சிறுவர் தின இலங்கைக்கான நிகழ்வை கிழக்கு மாகாணத்தில்  நடாத்த நடவடிக்கை எடுக்கப்பட்டுள்ளது. ஐக்கியநாடுகள் சிறுவர் நிதியம் செயற்படும் நாடுகளில் சரவதேச சிறுவர் தின நிகழ்வுகளை யுனிசெப் நிறுவனம் கொண்டாடி வருகின்றது. யுனிசெப் நிறுவனத்தால் ஏற்பாடு செய்யப்பட்டுள்ள  இலங்கைக்கான சர்வதேச சிறுவர் தின விழா  இவ்வருடம் கிழக்கு மாகாணத்தின் அம்பாறை மாவட்ட கல்முனை கல்வி வலயத்தில் உள்ள மருதமுனை சம்ஸ் மத்திய கல்லூரியில் எதிர்வரும் 20.11.2013 ஆந் திகதி நடாத்துவதென உத்தேசிக்கப்பட்டுள்ளது. கடந்த  திங்கட் கிழமை 11 ஆந் திகதி கிழக்கு மாகாண கல்விப் பணிப்பாளர் எம்.ரீ.ஏ.நிஸாம் தலைமையில்  யுனிசெப் இணைப்பாளர் எம்.எம்.நிபால் ,கல்முனை வலயக்கல்விப் பணிப்பாளர்  யு.எல்.எம்.ஹாஸிம், பட்டிருப்பு வலயக்கல்விப் பணிப்பாளர் திருமதி புள்ளநாயகம் ,திருக்கோயில் வலயக்கல்விப் பணிப்பாளர் ஆர்.சுகிர்தராஜன் உட்பட வலயக்கல்வி அலுவலகங்களின்  பிரதிநிதிகள் அடங்கிய குழு மேற்படி விழாவை நடாத்துவதற்கான  சாத்தியவளங்கள் பற்றி  ஆராய்ந்து  மருதமுனை சம்ஸ் மத்திய கல்லூரி  அதிபர்,ஆச

மூதூர் தி/அஸ்ரப் வித்தியாலய மாணவி  செல்வி அறூஸ்  அஸ்ரின் ஷீமா  இம்முறை நடை பெற்ற ஐந்தாம் தர  புலமை பரிசில்  பரீட்சையில்  163 புள்ளிகளை பெற்று  சித்தியடைந்துள்ளார். இவர்  அப்துல் அரூஸ்  சுசானா  தம்பதிகளின் சிரேஸ்ட புதல்வியாவார் .

யூ.எம்.இஸ்ஹாக் அட்டாளைச்சேனை தேசியக் கல்விக்  கல்லூரி  விரிவுரையாளர்களும் ஆசிரியப் பயிலுனர்களினதும்  ஆக்கத்தில் உருவான "கனியூம் கனா " கவிதை நூல் வெளியீட்டு விழா  தேசியக் கல்விக்  கல்லூரி கேட்போர் கூடத்தில் செவ்வாய்கிழமை  2013.11.19 ஆந்  திகதி  பீ.ப  2.30 க்கு நடை பெறவூள்ளது. விரிவூரையாளர்  அஷ்செய்க்  ஏ.எல்.நாசீர்கனி  தலைமையில் நடை பெறவூள்ள  நிகழ்வில்  தென் கிழக்குப் பல்கலைகழக  மொழியியல் துறை தலைவர்  கலாநிதி ரமீஸ் அப்துல்லாஹ்  பிரதம அதிதியாகவூம்இ அட்டாளைச்சேனை தேசியக் கல்விக்  கல்லூரி பீடாதிபதி  அல் -ஹாஜ் எம்.ஐ.எம்.நவாஸ் கௌரவ   அதிதியாகவூம் இசிறப்பு அதிதிகளாக தேசியக் கல்விக்  கல்லூரி உப பீடாதிபதிகளான  எம்.ஏ.கலீல்இஎஸ்.எல்.ஏ.எஸ்.சத்தார் இ அல் -ஹஜ் எம்.எச்.எம்.மன்சு+ர்  ஆகியோரும்  மற்றும் விசேட அதிதிகளாக  இணைப்பாளர்கள்இபீடத் தலைவர்கள்இசிரேஸ்ட விரிவூரையாளர்கள் கலந்து கொள்ளவிருப்பதாக  விரிவூரையாளர்  அஷ்செய்க்  ஏ.எல்.நாசீர்கனி தெரிவித்தார்.

  முஸ்லிம் பெண்கள் ஆராய்ச்சி செயல் முன்னணியினால் ஏற்பாடு செய்யப்பட்ட ஐக்கிய நாடுகள் பாதுகாப்புச் சபையினால் 2000ஆம் ஆண்டு ஒக்டோபர் மாதம் 31ஆம் திகதி வெளியிடப்பட்ட பெண்கள் உரிமை மற்றும் பாதுகாப்பு தொடர்பான 1325 பிரேரணை தொடர்பான மக்கள் போரம் நிகழ்சியும் ஊடகவியலாளர்கள் கலந்துரையாடலும் நேற்று கல்முனை கிறிஸ்தா இல்லத்தில் நடைபெற்றது. முஸ்லிம் பெண்கள் ஆராய்ச்சி செயல் முன்னணியின் பிரதான செயற்பாட்டாளர் தேசபந்து கலாநிதி ஜெசீமா இஸ்மாயீல் அவர்களின் பங்குபற்றலுடன் பிராந்திய இணைப்பாளர் எம்.எஸ்.ஜலீல் தலைமையில் இந்நிகழ்வு நடைபெற்றது. இந்த மக்கள் போரம் ஒன்று கூடலில் அம்பாறை, மட்டக்களப்பு, புத்தளம் ஆகிய மாவட்டங்களிலிருந்து பிரதேச செயலாளர்கள், வைத்தியர்கள், சட்டத்தரணிகள், விரிவுரையாளர்கள், ஊடகவியலாளர்கள், சமயத் தலைவர்கள், குவாசி நீதிபதிகள், மத்தியஸ்த சபையினுடைய பிரதிநிதிகள், மகளிர் அபிவிருத்தி உத்தியோகத்தர்கள், மகளிர் அமைப்புக்களின் பிரதிநிதிகள், கிராமிய அபிவிருத்தி அமைப்புக்களின் தலைவர்கள் உட்பட பெருந்தொகையான அதிதிகள் கலந்த கொண்டனர். விஷேடமாக இந்த அரங்கில் முஸ்லிம் பெண்கள் ஆராய்ச்சி ச