கல்முனை வலயத்துக்குட்பட்ட 72 ஆசிரியர்களுக்கு கெளரவிப்பு

தரம் 05 புலமைப் பரீட்சையில் சித்தியடைந்த மாணவர்களை கற்பித்த ஆசிரியர்களை கெளரவிக்கும் நிகழ்வு  கல்முனை  வலயக் கல்வி அலுவலக ஏற்பாட்டில்  நேற்று நடை பெற்றது. கல்முனை வலயத்துக்குட்பட்ட 72 ஆசிரியர்கள்  இங்கு கெளரவிக்கப் பட்டனர் . 

கல்முனை வலயக் கல்வி அலுவலகத்துக்குட்பட்ட பாடசாலைகளில் வெட்டுப் புள்ளிக்கு மேல் ஒரு மாணவரேனும் சித்தி பெற்றிருந்தாலும் அம்மாணவருக்கு கற்பித்த ஆசிரியர் இத்திட்ட்துக்குள் உள் வாங்கப் பட்டு கெளரவம் பெறவுள்ளார் என கல்முனை வலயக்  கல்விப்  பணிப்பாளரின் அறிவித்தலுக்கமைய  .  72 ஆசிரியர்களும் பொன்னாடை போர்த்தி நினைவு சின்னம் வழங்கி கெளரவிக்கப் பட்ட  நிகழ்வு  வலயக் கல்விப் பணிப்பாளர் எம்.எஸ்.அப்துல் ஜலீல் தலைமையில்  நடை பெற்றது 

இந்த கெளரவிப்பு விழா  நேற்று  வெள்ளிக்கிழமை (19) மாலை நிந்தவூர் அல் -மஷ்ஹர் பெண்கள் உயர்தர பாடசாலை மண்டபத்தில் நடை பெற்றது  .  வைபவத்தில் கிழக்கு மாகாண கல்விப் பணிப்பாளர் எம்.ரீ.ஏ.நிஸாம் பிரதம அதிதியாக கலந்து கொண்டு 72 ஆசிரியர்களையும் கெளரவித்தார்.

கல்முனை வலயக்  கல்வி அலுவலக பிரதிக் கல்விப்  பணிப்பாளர்களான எம்.எஸ்.எஸ்.எம்.உமர் மௌலானா,எஸ்.எல்.ஏ.றகீம் ,கோட்டக் கல்விப் பணிப்பாளர்கள் , கணக்காளர் கமருதீன் ரிஸ்வி யஹ்சர்  உட்பட அதிபர்கள் ,ஆசிரியர்கள்,ஆசிரிய ஆலோசகர்கள்  என பலர் கலந்து கொண்டனர்