மருதமுனை அல்மனாரில் இரத்ததான நிகழ்வு

தேசிய சுகாதார வாரத்தை முன்னிட்டு கல்முனை அஷ்ரப் ஞாபகார்த்த ஆதார வைத்தியசாலையின் ஏற்பாட்டில் மருதமுனை அல்மனார் மத்திய கல்லூரியில் இரத்ததான நிகழ்வு ஒன்று நேற்று இடம்பெற்றது. கல்லூரி அதிபர் உமர் மௌலானா தலைமையில் நடைபெற்ற இந்நிகழ்வில் அஷ்ரப் ஞாபகார்த்த ஆதார வைத்தியசாலையின் வைத்திய அத்தியட்சகர் ஏ.எல்.எம்.நஸீர் பிரதம அதிதியாக கலந்து கொண்டார்.

இரத்த வங்கி பொறுப்பாளர் டாக்டர் திலிப் வெளிக்கட ஆராச்சி நிகழ்வை நெறிப்படுத்தினார். இதில் வர்த்தக பிரமுகர் எம்.ஐ.ஏ.பரீத் உட்பட பலரும் கலந்து கொண்டனர். இந்நிகழ்வில் ஆசிரியர்கள், மாணவர்கள் உட்பட நூற்றுக்கு மேற்ற்பட்ட பொது மக்கள் கலந்து கொண்டு மிகவும் ஆர்வத்துடன் இரத்ததானம் செய்ததை அவதானிக்க முடிந்தது.